بعد ما موسيالا تعرض لنوبات إغماء قصيرة ومتكررة، اللاعب قرر يوضح حالته للجمهور بنفسه
قال إنه تم تشخيصه بنوبات قصيرة ومؤقتة، لكنها قابلة للعلاج بشكل جيد، وقد تكون مرتبطة بخلل وظيفي عصبي
وده يفسر ليه الموضوع حصل أكتر من مرة في وقت قصير.
موسيالا اعترف إن اللي حصل كان مخيف في البداية، وإنه حاليا بقت النوبات دي جزء من حياته اليومية، لكنه أكد إنه بيتلقى أفضل رعاية طبية ممكنة، وإن نادي بايرن ميونيخ والناس المحيطين بيه واقفین جنبه وبيساندوه في الرحلة دي
والأهم بالنسبة له إنه، بالتنسيق مع الأطباء والخبراء، قرر يواجه التحدي ده بشكل مباشر ويكمل حياته بصورة طبيعية
لأن في النهاية موسيالا مش عايز الناس تفتكره بسبب اللي حصل له في الملعب بالعكس هو عايز يرجع يعيش حياته، ويتدرب، ويلعب كرة القدم، ويكمل الطريق اللي بدأه
